قصيده تـنــازلات ..تأليفى الخاص

قصيده تـنــازلات ..تأليفى الخاص

من اول يوم تخرج ____ ولقيته مستنينى
مش شغلى فى الوظيفه ____ معلش كان على عينى
دانا قصدى كرسى القهوه ____ من بدرى بينادينى
ما لقتش غير فراغى ____ هو اللى بيواسينى
كان نفسى ابقا فاضى ____ لكنى طلعت فاضى
وغصب عنى راضى ____ بعيشه تنـازلات

تنازلات تنازلات ____ وخلاص العمر فات
هو انهاردة ايه ____ الاتنين ولا التلات
من يوم ميلادى مصرى ____ ومليش يد فيها
يارتنى كنت قطرى ____ وانا كنت اخاف عليها
معلش غصب عنى ____ والله ما ضعف منى
اصل انا من صغر سنى ____ قضتها تنـازلات

ماتقلشى تنازلات ____ وقول تفتيح مخ
ولا حتى الصدق مات ____ ده الخير عمال يرخ
من اول ابتدائى ____ يعنى بدايه حياتى
مالقتش فى مرة زاتى ____ من الاخر اتخنقت
فكرت فى كل حاجه ____ ملقتش فى ايدى حاجه
ولولا انى مؤمن ____ انا كنت والله سرقت

كفايه تنازلات ____ مفش خد كله هات
والشغل الخاص كمان ____ شويه مسكنات
لغبط كتير انا عارف ____ لكنى خلاص مش خايف
هكدب واقول مش شايف ____ دانا قرفان بكل اللغات
تنــــــــــــازلات تنــــــــــــــازلات كفايه تنـــازلات

جميلة تسلم ايدك يامان بس تسمحلى اتتدخل بس واقولك ان دة كلام انت واخدة من عقلك دية اولا ثانيا لازم فى القصيدة تكون الاوزان موجودة اللى هى بنقول عليها التصريع والقافية والقصيدة تعبر عن دلائل لغوية وليست دلائلة واقعيه اتمنى منك ن تستفيد من كلامى وان لا تثور على راى وبالتوفيق

الله عليك يامحمد ايه الكلام الجامد ده

تسلم

وفعلا فى تنازلات كتير اوى بنعملها

لحد ما وصلنا للى احنا فيه

مشكور على الرد والنقد البناء يامحمد

الله على ردك انت ياحسين ومشكور على مرورك بالموضوع

تسلم ايدك يا محمد
حاجه ممتازه بجد

الله عليك يا حبيب ولا ديك

هههههههههههههههههههه

لا بجد حلوة قوى يا محمد
تسلم ايديك والله

شرفنى مرورك ياحمو

الله على ردك الاجمل ياحوده