بنت الجيران

موضوع: بنت الجيران الأربعاء يناير 06, 2010 5:36 pm

بنت الجيران

الحكاية بتبدأ من حوالى سنتين....

العفش بينزل من على عربية النقل...

و انا واقف فى
البلكونة.. وبسأل امى

(اللى كانت
واقفة تنشر الغسيل):

هو فى حد هيسكن
هنا ولا ايــه يامـا؟

قالتلى اه يا حبيبى دى الشقة اللى قصادنا

قلتلها ويا ترى عرسان جداد ولا عيلة وبتعزل؟

قالتلى والله يابنى مانا عارفة

قلتلها طيب.. يا خبر انهارده بفلوس

.. بكرة يبقى
بفلوس اكتر..

و بعد أسبوع......

أمى واقفة بتنشر الغسيل برض

و.. وانا واقف
جنبها برضو

.. وبتقولى: اسكت مش السكان الجداد وصلوا خلاص

قلتلها يا شيـــــخة!

قالتلى: اه.. مرات الراجل عدت عليا انهارده وسلمت عليا
وعرفتنى بيهم

قلتلها: ايــه بقى عرسان جداد؟؟

قالتلى لا دول أسرة.. عندهم ولدين

وبنت

قلتلها خير.. خير..

(والشر بيبظ
من عينيا)

و أثناء الحديث الشيق
ده..

طلعت مامت الولاد م البلكونه

.. ولما شافت
أمى هزت راسها

- بتسلم على امى يعنى

-.. وطبعا أمى
ردتلها الهزة -

بترد
السلام يعنى -

و بعدين طلع ولد صغير ابتسم لنا اول ما شافنا....

أصل البلكونة فى وش البلكونة ,

بس هم مركبين
ستارة

واحنا مش مركبين ستارة.

.. بس باين عليهم
ناس طيبين اوى...

المهم..

الأم ندهت
لبنتها...

الحقيقة انا كنت أول مرة فى حياتى أسمع الاسم اللى هى
ندهت به..

أول مرة أعرف ان فى بنت اسمها كده أصلا...

الام بتنده:
يــــــا مهاد

(على وزن
مهاهيتاب

, بضم الراء يعنى)

اسم
جامد مووووووت

... عجبنى الاسم اوى

... وبدعى ربنا
تكون مهاد حلوة زى اسمها..

و
طلعت مهاد من ورا الستارة

فـى حركة Slow Motion

من بتاعة
الافلام..

و انا
متنح تتنيحة سوده

... مهاد طلعت احلى من اسمها

.. جميلة
جمال لا يوصف.

.. ناصعة
البياض..

مش
قادر ارفع عينى من عليها

.. مينفعش ارفع
عينى من عليها اصلا...

فضلت متنح لحد ما
شافتنا انا وامى..

لما
شافت امى ابتسمت لها..

و لما شافتنى

زى ما تكون
شافت عفريت ودخلت على جوة جرى...

و تمر الأيام..

و مشكلتى ان البلكونة بتاعتنا تدخلها من اوضتى

.. عشان
كده فى الرايحة والجاية ابص اشوف مهاد واقفة ولا لأ..

ساعة ما الاقيها واقفة.. اطلع البلكونة..

مرة اعمل نفسى بتكلم فى
التليفون..

او بشم الهوا
مثلا

- مع إن الدنيا تراب وعفره -

او بلعب عشره ضغط..

اى تلكيكه والسلام

الغريب انها كانت فى الاول لما تشوفنى تروح داخلة جرى
على جوة..

لكن بعد فترة لاحظت انها مكانتش بتدخل اول ما تشوفنى

.. وكانت
بتفضل واقفة هى كمان...

بقيت فى عز الشمس اقف

.. لحد ما اعرق
واجيب جاز

.... فى عز البرد واقف بتكتك من البرد

واقف بالساعات مدام مهاد واقفة

... ارمى
نظرة

.. ابتسامة

.. أشاور

و كانت هى بتكتفى بالابتسام وعلامات الخجل...

و في يوم من ذوات
الايام..

بشاورلها

.. شاورتلى

بقيت هطير من الفرحة

.. مهاد
شاورتلى يا جدعان...

قعدت اطنطط ع السقف وأغنى وحياة قلبى وأفراحه..

و هبا إيـه هبا أاه

.. إن شاء
الله هنظبط

امتى بقى اتكلم معاها ونهزر سوا...

لحد ما جه اليوم...

انا راجع من الكلية

.. وعلى اول
الشارع شفت أمى واقفة مع مامت مهاد..

و المفاجاة: مهاد واقفة
معاهم

لقيت نفسى بجرى زى شخصيات الكرتون

.. نصى
التحتانى بيجرى قبل نصى الفوقانى تشووووووووو...

لحد ما بقيت عندهم..

عرقان طبعا
وبنهج وحالتى حالة...

نزلت عليهم زى الباراشوط..

ازيك ياما

.. ازيك يا طنط
عاملين ايه...

و بصيت لمهاد

.. كانت
بصالى وبتضحك..

كانت زى القمر اليوم ده

.. ولابسة تى
شيرت حمالات

- اصل الجو كان حر اوى اليوم ده -

قلتلها: ازيك يا مهاد؟!

و كان رد فعلها غير متوقع بالمررررة

... كان صدمة
حقيقية بالنسبة لى..

لقيتها بتمد ايديها وبتسلم عليا...

و بتقولى: الحمد لله

.. ازيك انت؟؟!

رحت مسلم عليها....

و قلتلها: الله يسلم
قلبك يا روح قلبى..

و رحت بايس ايديها....

و رحت شايلها...........

و قلتلها: انتى عندك كام سنة بقى؟؟

"

***********

"

"

"

قالتلى عندى 3 سنين

رحت بايسها

تانى وانا
هطير من الفرحة وفضلنا نلعب ونضحك ونهزر

... لحد ما
مامتها شالتها وطلعوا البيت

و من
يومها وانا ومهاد اصحاب

... كل ما
تطلع البلكونه نلعب ونهزر مع بعض

اي خدمه يا شباب

اوعى حد
يشوف مواضيع مني تاني

وكمان
اوعى تكون بتعمل زيي

هههههههههههههه

ههههههههههههههههههههه

تسلم ياحوده

موضوع: رد: بنت الجيران الأحد يناير 10, 2010 9:32 pm

شكرا على مرورك يا نجم ,,,

ههههههههههههههههههههههههههههههه
حلوة مهاد زى العسل
هههههههههههههههههه
تسلم ايدك

ههههههههههههههههههههههههههههههههههههههههههههههه

فعلا زي العسل طبعا

شكرا على مرورك .,,

ههههههههههههههههههههههههههههههههههههههههههههههحلوه اوى تسلم